بقيتي خلاص مع غيري وصرت غريب

مش عارف.. ومش حاسس
كأني خلاص.. مش موجود
قلبي بقربك…. بقي حاسس
رغم إن بنا ……..ألف حدود

زمان …..كنت أما بشتاقك
ألاقيكي
اروحلك. وارتمي بحضنك
تدفيني وأحميكي
يدوب الاشتياق بنا
بلمسه جميله تأسرنا
وأحكيلك وتحكيلي
وتحرسنا نجوم ليلي
واغنيلك…. مواويلي

كتير كنا بنتلاقي
بأي مكان
وكان الشوق بيجمعنا
بدون عنوان
بكل مكان لنا ذكري
سعادة خاليه م الأحزان

لحد ف يوم ما فرقنا
قدر ونصيب
وبعدت بينا خطوينا
يا أغلي حبيب
بقيتي خلاص مع غيري
وصرت غريب

بعيش وأسرح ف الذكريات
و قلبي داب ….. من الآهات
خلاص قلبي.. بقي مكبوت
حاسس بخنقه. كأني بموت
و بحلم تاني نتلاقي
قبل الأوان……….. ما يفوت
يا حب عمري كله
أنا من غيرك…………. بموت.

تحياتي…سيد عبد العظيم

لما اشوفك وقلبي ميدوقش هوى
لما تبقي عندى عادى
مش فارقه نتقابل سوى
حاجه من ضمن الحاجات
ملهاش وجود ولا ذكريات
ابقى اكتبى نعى لحبك
واترحمى على حب مات
ومن سوكات
لمى الرسايل وفريها
انا اصلى عارف ايه اللى فيها
ونقول سلام
خلص الكلام

الشاعر اشرف محمد

ياااه عاللقاء بعد الخصام
ياااه على العتاب من غير كلام
بس السلام
والعيون اتكلمت
والقلوب حنت اوام
ونسينا احنا بعدنا ليه
ونسينا وياه الزمان
كل واحد مننا
داب فى همسه
عاش بلمسه ..من حبيبه
كلها حب وحنان
يااااااااه عاللقاء بعد الخصام

الشاعر اشرف محمد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *