حبيبي اشتقتلك فبعدك احنلك وياماقولتلك

حبيبي يااغلي مالي عملت ايه كده في
وانت مش معايا بشوفك حواليه..
اكني بكلمك
وابوسك واحضنك
من شوقي بتخيلك
وبشوفك بعنيه
حبيبي اشتقتلك
فبعدك احنلك
وياماقولتلك
بعدك عني اذيه
فقلبي حبيبي انا
اسمك مكتوب بالندي
معاك دوقت الهنا
والشوق والحنيه
الثانيه فبعدك سنه
مقدرش عليها انا
انت احلامي والمني
وكل الدنيا ديه
مستغناش ثانيه عنك.. اموت ولالحظه افارقك
ان طاقتي بخدها منك.. وبعدك معناه الشقي
وحيات جمال حلاوتك
واخلاقك بشقاوتك
وبثقتك بنفسك
عشقي بيك ابتدي
كلمات الشاعر مصطفى الخولي

صباح اجمل على عيونك
صباح بهجة صباح الحب
صباح عشمان ف دقة قلب
صباحك غير صباح الناس
صباح جايب معاه احساس
يحرك حاجة ف سكونك
صباح مشرق بضي الشمس
ونوره ما يحلى من دونك
صباح جايب معاه بكرة
صباح عابر لجرح الامس
صباح شايل معاه فكرة
صباح يعزف وصوته همس
صباحك جى بالألوان
وراسم بسمتك بإيديه
صباحك جى بالمجان
ومش طالب تمن تديه
صباح مرسوم على ادك
وطابع بسمة على خدك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *