من بين قلوب كل البشر أنا إختارت قلبك

( من بين قلوب )

من بين قلوب كل البشر
أنا إختارت قلبك
وشغلني طيفك في المنام
علشان بحبك
ياغنوة حلوة غيرت
معنى حياتي
معاك ورودي فتحت
ونسيت آهاتي
إنت الحياة وإنت الأمل
وعمري إللي آتي
***
أحضني حبيبي وضمني
ونسيني خوفي
لجنة عبيرك شدني
وأحضن كفوفي
شيلك في قلبي وعينيا
شيلني في قلبك
دا أنا
من بين قلوب كل البشر
أنا إختارت قلبك
وشغلني طيفك في المنام
علشان بحبك
***
بلاش تفارقني حبيبي
ولو لثانية
نظرة عينيك بتاخدني
لدنيا تانية
دنيا عمري ماشوفتها
وما عيشتهاش
معاك ومشاعري ملكتها
وغير كدا متمناش
***
نور حياتي ودنيتي
وبحنانك إحتويني
ما أنت هنايا وفرحتي
وإنت النور لعيني
وهبت قلبي وعمري ليك
وهفضل أحبك
دا أنا
من بين قلوب كل البشر
أنا إختارت قلبك
وشغلني طيفك في المنام
علشان بحبك

من بين قلوب

بقلمي الشاعر/ وحيد محروس الشاعر سليمان خليل

منديل ورق
من ديوان ضى نهار
للشاعر مصطفى فريد

الكل دايما يحسدك
يوم ما ترسم ع الشفايف
بالمجاملة ضحكتك
وأنت شايل ألف آهه ٠٠
جوة منك تألمك
ما حد شايف دمعتك
ولا حد حاسس رعشتك
كان برد أو قسوة حبيب
خان اللى باقى فى دنيتك
وبكل قسوة سلمك
للفكر ولدمعة عنيك
هى الوحيدة فى كلهم
وقفت معاك ٠٠٠٠
خافت عليك ٠٠٠
نزلت عشانك ٠٠٠
ع الخد لاجل تونسك
وأنت بتشيلها بمحبه
بمنديل ورق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *